वटपौर्णिमा

*वटपौर्णिमा*💐💐💐💐💐💐💐💐*आज सकाळी नसरापूर बनेश्वर येथे मॉर्निंग वॉक ला जाताना नेहमीच ओळख असलेल्या वटवृक्षा जवळ पोहचलो, येता जाता त्या वटवृक्षाची एक प्रदक्षिणा पूर्ण  होतेच हा जसा नित्यानियमच झाला आहे,पण आज जरा चित्र वेगळेच होते, वडाच्या पारंब्या खेळण्या बागडण्यात जरा जास्तच मग्न होत्या, आज त्यांच्यावर बंधने नव्हतीच,जवळच पुरातन काळातील ऐतिहासिक शंभू महादेवाचे मंदिर असल्याने त्याला साक्ष ठेवून बऱ्याच सुवासिनी येथे येऊन गेल्या होत्या कारण वृक्षा भोवती गुंडाळलेल्या धाग्यांची संख्या अगणित होती,ते वटवृक्ष सर्व सुवासिनींनी केलेल्या मनोकामना पूर्ण करण्यात व्यस्त होते,आणि यामुळेच पारंब्या अगदी मनसोक्त पणे हुंदडत होत्या, एका हलक्या हवेचा प्रवाह सुध्दा त्यांना बागडन्यात मदत करत होता,मला दुरूनच पाहून ,पारंब्या आणखीनच डोलायला लागल्या, तशी त्यांची माझी रोजचीच ओळख त्यांना हलकासा स्पर्श केल्याशिवाय मी पुढे जातच नसे, पण आज माझी पाऊले तिथेच थबकली,क्षणात पौराणिक कथा आठवली, सावित्री हे भारतीय संस्कृतीतील एक ऐतिहासिक पात्र,सावित्रीच्या पतीनिष्ठा, पतिव्रता, कर्तव्यधर्माच्या विवंचनेमुळे यमराज प्रसन्न...